واحد من صماخات الاطار، طلع فارد ريشة وواثق من نفسه وگال بلقاء تلفزيوني موثق:إحنه اختارينا مرشحنا لرئاسة الوزراء علي الزيدي نزولا لفتوىالمرجعية "المجرب لا يجرب".ولمن شاف الجو بس إله انتعش بجرعة تِنْعِش الي ما ينعش وأكمل: "ولأن الله قدم المال على البنون رشحنا رجل أعمال".عجيب هالاطار اشلون يتعامل ويّه وعي الناس:معقولة يعتقد بالعراقيين هالگد غشمه وما يفرزنون التصفيط من الخريط.ومعقوله ما بيهم واحد يطلع لهذا الصماخ ويگله:لعد وين چنتوا كل هاي السنين؟
أشو تجيبون وتكررون نفس الوجوه، تجربوها، وتغط بالغلط،وترجعون تجربوها، يعني تداورون بيها مثل البلاستيك المعاد،وهسه تذكرتوا المرجعية.عمي دعوفوا المرجعية بحالها، لأن هي بالأساس مو بحالكم،ووينها وينكم ما تدرون ملتهيه بمشاريعها الي ماخذه كل وقتها.