الحجي كان محق من رزل الربع، بوحدة من اجتماعات فكال انسداد الإطاري أو رفع القبغ، لمن گاللهم:كلكم اني سويتكم.وطبعا يقصد سويتكم أوادم ولو هو ما گالها صراحة، لكنها هيچي انفهمت وتنفهم. وگالها الرجل لأن حصروه منين ما يجيهم ويقدملهم اقتراح دا يبقى بالمقدمة، يقدموله أكثر من اقتراح يرجعه لأول پاية بسلم الرئاسة مكتوب عليها ڤيتو أمريكي.والرجل صادق بگوله وفعلا هو الي سواهم بأيام ما كان الكلب الكلية.لكن حچي غير تحسبها صح من اجتك الفرصة تسوي، وغير تسوي الي يستاهلون يتسوون؟لعد لمن تشق جيش المهدي شتتوقع الي ينشق بسهولة ويكبر بسرعة غير يشوف نفسه أقوى من المهدي.ومن تدعم الچايچي دا يسوي فصيل مسلح شتتصور بعد كل هايا لانتصارات الي إنتصرها على أبناء الطوائف والأقوام المگرودين، مو يگوم يتصور نفسه هو المحرر وأقوى من صلاحالدين.
والله حجي تريد الصدگ هاي عمليتكم السياسية، تستحق ان يكون شعارها المثل الي يگول:"الي ياكله العنز يطلعه الدباغ".