منو المسؤول عن ماطورات يعني دراجات تتجول بشوارع باب لوباقي المحافظات بدون أرقام وعليها ملثمين، ما طالعة منهم غير العيون، يستمرون يتجولون برهاوة على طول الشوارع والدرابين أثناء النهار وتوالي الليل الى أن يوچدون الهدف المطلوب مثل ماحصل مع الدكتور ضرغام ماجد:عراقي وطني أصيل، يشخص المصيبة ويگول الحقيقة، ويحتج على ريحة فساد بليا ملح، وعلى سلاح بإدين اشعيط ومعيط،يخنگ الدولة ويسد حلگ المواطن وما يخليه يتنفس هواء نظيف؟عجب كل هاي الأجهزة الأمنية والاستخبارية والشرطويةوالحزبية والمليشياتية الي وصل أعداد منتسبيها بالملايين،ووصلت تخصيصاتها أكثر من نص ميزانية الدولة ما گادرين يلزمون دراجة وحدة ولو عن طريق الصدفة؟
والاجابة المنطقية الوحيدة هي:أن قسم من الدولة بتركيبتها متواطئة مع الجهات القائمة على الاغتيال وهواها وياهم.وإن المنفذين والمشعوذين والشياطين هم من منتسبي تلك الأجهزة، الي تغطي على أعمالهم هاي.