القذافي الله يرحمه أدار ليبيا لمدة تقترب من ٤٢ سنة بطريقة ماتگدر تعرف هو قومي عربي لو ضد العرب لان يناصر منا وينغز منا.هو ضد إسرائيل لو معاها، لأنه يشتم بيها منا، ويوگف ضد أيمشروع يقدموه الفلسطينيين لحل قضيتهم منا.هو اشتراكي يريد يوزع الدخل على الكل منا لو رأسمالي، الفلوس والقرار بيده وبس منا. إلى أن مات أنگس موته وترك ليبيا خراب.وهسه ترامب لله لا يوفقه دا يدير العالم نفس الشي يعني بطريقهما تگدر تعرف، هو مسالم وين ماكو عركه بين دولتين يركض حاجوز بيناتها.لو ماشة نار ياهو الي يعارضه، يروح يحاربه بقساوة توصل حداختطاف الرئيس الفنزويلي، وقصف مدرسة أطفال بإيران يموتونبيها بالمئات.هو تاجر لعقد صفقات الربح المضمون.لو سياسي يحقق مصالح دولته ضمن عالم الكل تريد تحقق مصالحها بيه.هو أداة لإسرائيل بحروبها العنصرية القذرة.لو إسرائيل هي الأداة عنده لشن حروب أقذر.ومنا الى أن تنتهي ولايته راح يبقى العالم دايخ بيه وبنهايته اشلون راح تكون، الله أعلم!!!