بگعدة البارحة كان أكو ويانه صديق مصري "سمير" طبيب متقاعد، وبدا جبار يحچي عن السياسة، والسياسيين وسوالفهم،وگال:يا جماعه تره هواي من سياسيينا يتصورون نفسهم لوتيّه،ويديرون الأمور بلواتة الكلاوچية والدجالين.على طول دخل سمير بمرحه المعهود وگال:دقيقة انت بتتكلم عربي؟جاوبه جبار لعد شنوا قابل هندي.رد عليه: طب قلي إيه معنى الكلمتين الي قلتهن؟عدل جبار گعده وگال:اللوتي عدنا بالعراق هو المخادع، واللواتة هي المخادعة، رجع سمير وگال:والله مش ضابطه عندي يا بيه، ممكن تعطيني مثل، فگال جبار:أقرب مثل قبل كم يوم اعلنوا بالعراق استدعاء وزارة الخارجية السفير الإيراني والقائم بالأعمال الأمريكي للاحتجاج على قصف مواقع واهداف عراقية، وتبين فعليا ماكو أي استدعاء ولم يصلواالى الخارجية، يعني استدعاء إعلامي، وهذا الشي الي سووه هولواته على أساس يخدعون بيه العالم والعراقيين.باوع جبار لسمير وگال ها افتهمت؟ جاوبه:وحق النَبّه النبي نبي، مش فاهم حاجه من سياساتكم إنتو العراقيين؟