تفكروا، تصورا، تخيلوا وبأقوال البعض من أبنائكم تأملوا، واذاتأملتوا من صدگ لا تتعجبوا: احد الفصائل المقاومة وعلى لسان مسؤوله الأمني المخوّل وبهاي الأيام السودة يبرر قصف جهاز المخابرات وبالنص يگول:الضباط الاكراد الي بيه مية بالمية مرتبطين بالموساد،والامريكان، والضباط من الطائفة الأخرى (ما يگول السنة علىأساس هو مو طائفي) والي همه اكثر من سبعين بالمية من موجود الجهاز لديهم ارتباطات عمل وثيقة مع العدو الأمريكي والمخابرات الأردنية والاماراتية. أما ما تبقى من الضباط الشيعةفان أغلبهم مغلوب على أمرهم وان الكثير من الاعتداءات على الحشد ما كانت تصير لوما المتابعة من ذوله الخونة).معقولة هذا القائد الهمام ما يدري:عدد الاكراد والسنة بالجهاز الحالي أقل بكثير من عدد الشيعة بالجهاز السابق.وما يدري الاكراد والسنة جزء من هذا الوطن والهم حق بالعمل بكل أجهزته.ونسه فصيله من فوگ ليجوه مرتبط بالاطلاعات الإيرانية، ويقاتل بالنيابة عن ايران علنا.لو عليه حلال وعلى الغير حرام!ومعقولة الحكومة والقضاء والبرلمان ما يفسرون رسالته تحريضعلني؟
ومعقولة العراق العظيم يدار وينحكم بهاي الطريقة التي تجره للهاوية؟