سنة ٢٠١٧ أعلن دولته الانتصار على داعش، وسنة ٢٠٢٦ أعلن المعالي أن انبوب النفط الي ينقل النفط لميناء جيهان التركي طلع مثقوب (٤) الاف ثقب. وإعلان المعالي أو اكتشافه الاستخباريالمهم هذا صار بعد ما توقفت وزارته عن تصدير النفط عن طريق الخليج بسبب اغلاق مضيق هرمز.أشو چنها الوزارة كانت ناسيه هذا الانبوب وعبالك ذكرهم بيه الچايچي مال الوزير لمن شافهم وهمه بالاجتماع حايرين اشلون يصدرون!والا تنعقل قريب العشر سنين والوزارة ما تدري بالزروف، ولابالنفط المعيوف، ولا عدها أجهزة استشعار تقيس ضغط الانبوب،وتعرف انزرف واشكبر الزرف ومنين؟وتنعقل بهاي الوزارة الكل خدچية ما بيهم واحد يفكر بباچر وبالخطر وبالنفط المسروق، ويكشف على الانبوب أو ينطي الكشف مقاولة للويلاد الي يحرسوه؟ ولمن إنحطْ هاي الدگة يم دگةالنائب الشلولو الى هدد قبل كم سنة بتفجير أنبوب تصدير النفط الي رادوا يسووه للعقبة نگول:
لو الغشمه كانوا مسويه مو كان هسه فك فلوسه، بفروقات الأسعار وچفانه شر الحصار، ونگول:كلشي بهذا البلد وراد ومعقول، بس الي ما معقول اشلون الدولةباقية تمشي لهذا اليوم، ووين رايحه ولاي مجهول!!