يريدون يقاتلون، ومن سنة ٢٠١٤ ولليوم وهمه يدعون للقتال بالليل وبالنهار وبكل صلاة.نص ميزانية العراق الرسمية وأكثر من النص خلصوها بحجة القتال والمقاومة والسلاح والأجهزة والمتطلبات غير البوگ.وتاليها أصغر شغلة بشغلات الحرب والقتال ما گدروا يتعاملون وياها بشكل صحيح، لا عسكريا ولا إعلاميا:
قوة بحدود السرية تعبر من الحدود (الي مقاتليهم منتشرين على طولها) ما يشوفوها ولا يسمعوها، ولا يعرفوها أمريكية لوإسرائيلية.توصل قريب كربلاء هي وطياراتها الهيلوكوبتر وتخيم بالبادية،ولوما الرعيان الله يوفقهم يشوفوها ويخبرون عنها، ما كان أحدمنهم عرف بيها.دزولها قوه تعادل ٣ أفواج بعدهم ما وصلولها انضربوا واحترگت همراتهم، فانسحبوا على طول لعدم التكافؤ بالقوة.لا وفوگاها طلع اعلام الدولة هم ما يدري ينفي الواقعة منا، ويعلن خسائر عنها منا.عباس من گد ما محروگ گلبة طلع يگول:الي يدير الجهد العسكري والأمني والنفسي بهاي الطريقة عليه:أن يگعد على التل بس يباوع.ويعوف الهوبزة!!!