متظاهرين الجسر المعلق الي يباوعهم زين يشوف أغلبهم شباب،لابسين زين شكلهم ما يشبه المتظاهرين مال ساحة التحرير ولاذولاك الي طلعوا بتشرين. نشطين يكرون ويفرون بشكل منظم كأنهم مدربين وعدهم سلاح من ينوّلون يقتلون، وكأن أكو واحدمن بيناتهم ينطيهم الأوامر اشوكت يكرون، وعلى يا نقطة عسكرية يهجمون، ويا كرفان حكومي يحرگون، يعني وباحتمال عالي أنهم منتسبين الى وحده من الجهات الرسمية أو المعترف بيها رسميا جايين بأمر وتخطيط مسبق، واذا كانوا همه فعلا هيچ وهي مو أول مره تصير هيچ، فمعناتها يريدون يسوون موقف تخريب من خلاله يدفعون الامريكان حتى يوسعون ضربهم وتدميرهم للبلاد وبالتالي تنجبر الدولة على أن تحشر نفسها بحرب هي مو گدها تنحشر