مع الأسف كل الأسف وصلنا احنا العرب والمسلمين لهذاالمستوى المتدني: عدوتنا إسرائيل تلعب بينا تك گول بلعبة طوبة،هي تختار الوقت والملعب والحَكَمْ، وإحنه ما عدنا غير نجيونلعب غصبا علينا. مع الأسف گضينا وقت التهيؤ والاستعداد لكل المنازلات واللعب عنتريات وكذب، ندعي عدنا ونقنع كبارنا أنه عدنا فيروحون يهنبلون ويتوعدون ويوم اللعب الجاد يطل عالچذب، وييبين الموجود فاشوشي وقشمره ما ينفع للعب. مع الأسف شعوبنا بهاي المسخرة شبه مخدره كلشي ما بديها، بعد أنسلمت أمورها لكبار قسم منهم يريدون يروحون للجنه بروسن اوقسم يسعون الى أن يخلدهم التاريخ هم بروسنا وآخرين بس يوصلون يچلبون بالحكم وما يريدون ينطوها حتى لو إنگصت روسنا... مع الأسف آخر گيم لعب بالاعتداء على ايران، وردها بضرب دول عربية، والخسائر الى حصلت ما حركت شعوبنا أنتطلع وتگول تره إحنا ماشين بالطريق الخطأ.