العراق صارله سنين يچالش حتى يطيّر طياراته بأجواء أوربا،وكلما تطگ الطاسة بالحب يگول تره احنه أنجزنه سبعين بالميةمن المتطلبات، وبعد محد يهرب الدولارات، ولا طيار يدخن بالكابينات، ولا مضيّف يصلي بالممرات، ونسوى الصيانة على المنشآت والطائرات حسب ما موجود بالكتب والتعليمات. إچربوإذا تتوقف الرحلات الجوية بنص الليل بعد ان انطفت ضوايات المدرج، وإچرب إنخبصت الدولة وكلمن يگول يا روحي، وأكيد راح يذبوها براس أفقر واحد ما عنده ظهر، ومحد منهم راح يجرأ ويگول انطفت الضوايات لأن صيانة ماكو، والصيانة تريد فلوس،والفلوس انصرفت على مشاريع تمويل الدعايات الخاصةبالانتخابات، ولا ماحود راح يگول من تجيبون أخصائي تسمين عجول وتنطوه إدارة بعالم المطارات بالنتيجة تنطفي الضوايات.