العرب من كانوا يفكرون صح ويشتغلون زين گالو (الي ما يعرف تدابيره حنطته تاكل شعيره) وهذا المثل المضبوط ينطبق على الحكومة الآن، لأنها وبعد ما خلصت مدتها، ونفذت ميزانيتها وانتهت صلاحياتها راحت تدور على إيرادات ترگع بيها فتگ الانفاق الي استمر أربع اسنين بلكت تدفع الرواتب وما يصير قيل وقال، وتذكرت عدها مئات المستشارين والخبراء وأبناء السبيل لازم تقلل عددهم، لعد وين چنتي كل هاي السنين ووين چانوا المستشارين بالأربع سنين، معقوله ما بيهم واحد گال راح تنشف الميزانية، ولا منهم ماحود نبه على عدد السيارات الحكوميةوأعداد الحمايات المخصصة للمسؤولين والرواتب المتعددة لبعض المدللين؟