عجيبة أمورنا وغريبة أطوارنا، كهرباء أكثر محطاتها سووها على الغاز، ويعرفون الغاز مستورد، عبالك متعمدين يسووها هيج حتى يبقون يستوردون. وهم ميخالف خلي يستوردون، وخلي يطبقون شعار (فيد واستفيد) الي أطلقوه برهاوة بعد ٢٠٠٣، لكن
4مصدر الغاز الي يستوردوه من ايران كل سنة ينقطع مرة أومرتين ويسبب أزمة كهرباء، والناس طول الوقت تتشعوط هاي ماتنعقل، ولا ينعقل كل هاي السنين الي مرت ما گدروا يلگون مصادر لاستيراد الغاز مضبوطة، ومضمونة، ولا يبنون محطات جديدة تشتغل على أنواع وقود ميسورة محليا والبلاد منتجة للنفط بكل الأنواع، ولا معقوله ما يديرون بال للإنسان الي دا ينتخبهم كل سنة ويصر على انتخابهم رغم كل هاي الأخطاء.أبو باقر يگول: يا جماعة بس لا وصلنا حد الإدمان على الشعواط.