المدن والمحافظات والأقاليم بالدول الأخرى الي بالعه ريگها،تدخل منافسات بينها وبين بعضها بالخدمات الي تقدمها لمواطنيها،
3بالفن بالرفاه، بالأمان، وجودة المعيشة، هاي غير الصناعةوالزراعة ومشاريع الإنتاج، وكل وحده من هاي المتنافسات هي وأهلها يفتخرون من يحققون بيها تفوق على الغير، ويتقدمون خطوات أحسن من الغير، أما إحنه العاگبين، فالتنافس بين محافظاتنا دا يصير على تقديم العطل، منو ينطي عطله أكثر من الغير، لذلك گاموا يدورون بالتاريخ على المناسبات الدينية،ويرهمولها عطل من عدهم حتى يتفوقون على باقي المحافظات،وخاصة بالوسط والجنوب، الي ما بقوا المسؤولين بيها مناسبةوفاة أو ولادة ما خلولها عطلة، ونحمد الله دخلت وياهم على المنافسة محافظة صلاح الدين، وإنطت عطلة يومي الأربعاء والخميس الي فاتن بمناسبة استشهاد الامام علي الهادي (ع). عبدالحق يگول: الغريب هو ان الي دخلوّا المحافظة بهذا السباق همه الفاسدين والي بگلوبهم دغش، وما ندري بدخولهم هذا يريدونيتفوقون بالسباق لو جايين يحسنون سمعه، ويغسلون الدغش اليبگلوبهم.