نادي الأعظمية مبني حسب ما مكتوب بالكتب البغدادية سنة١٩٣٨، وهو أول مبنى بناه معمار عراقي، احمد مختار إبراهيم،المسجل أول مهندس معماري بالعراق، وعليه بحسابات الزمن يعتبر تراثي.وهذا النادي عريق، متأسس رسميا حسب مصادر أهل الرياضةوالمتابعين من سنة ١٩٥١ لذلك، وبحسابات الرياضة يعتبر ريادي.نادي مشهور، وخرّجْ أبطال بالرياضة، وشخصيات عراقية لمدةتزيد عن ثمانين سنة متواصلة، وما زال يقدم العون للشباب انيصيرون، ويلتهون، ويقدم لأهل الأعظمية شعور بالفخر على طول، يجي وزير وبشخطة قلم يلغيه من الوجود، ويحوله منمَعلَمْ رياضي الى مول استثماري:ليش هي قحط مولات، مو انترست بغداد مولات؟ وقحط مشاريع لغسيل الأموال الجاية من السرقات والفساد، أشو الله فاتحهاعليكم، وكلشي باديكم تجون وتزحفون على نادي يقدم خدماترياضية وترفيهية، ويستوعب الشباب، والصبية، والبنات ويسهم بتنمية عقولهم وأجسامهم، تخربوه ليش؟وليش تجون عمدا مع سبق الإصرار على منطقة معروفةبأصالتها، وبغداديتها ورقيها، دا تغيرّون معالمها؟وليش ما تحسبون مشاعر أهلها، واتجاهاتهم، وتوجهاتهم،وخصوصياتهم، الي مدت بغداد بالقوة والثبات لمئات السنين، ومازالت على نفس النهج ماشية، دون أي تردد أو تعويق؟ وليش انتم نايمين وما تصدگون أن:كثرْ الدَگْ يفك اللحيم.