كل بين فترة وفترة ينثار موضوع سلم رواتب موظفي الدولة،والسعي للعمل بمسطرة وحدة للشهادة والاختصاص، وسن يالخدمة حتى تحقق العدالة والمساواة. وبگعده من الگعدات وعلى ميز واحد ويه موظفين يتبعون لوحدة من الرئاسات رواتبهم أعلى، ومخصصاتهم فوگ الأعلى، وآخرين موظفين بالدولة،رواتبهم عادية، وبدون مخصصات. واحد من الگاعدين گال:رئيس الوزراء أمر بتطبيق سلم الرواتب الخاص بالدولة على موظفي الرئاسات، وكالعادة إشتغل النقاش، وكان معظم الموظفين الگاعدين، التابعين للرئاسات ما چانوا راضين على رفع المخصصات من رواتبهم، ومساواتهم مع باقي موظفي الدولة.وإچماله ما أكتفوا بالزعل، واحد منهم اقترح رفع دعوة قضائيةعلى رئيس الوزراء.وآخر إقترح يلملمون نفسهم، ويطلعون عليه مظاهرات حتى يرجع عن قراره.
وثالث من جماعة الموظفين العاديين، گللهم أگول:مو انتوا كلكم گرايب الحكومة، وقريبين منها اشلون تتمردونعليها، لأنها تريد تساويكم ويه الغير وهذا حق. بعدين ما تدرون ماكو إفلوس عند الحكومة، منين تجيب، وتصرف على المخصصات والحمايات. ثم كل هذا الوكت تنطيكم ما تگدرونتصبرون عليها أشويه، وتوگفون وياها اشوية، وأكيد من تجي الفلوس ما راح تنساكم. ثم اذا بيكم حيل تشتكون، وتتظاهرون خو لحوا خلي الحرامية، والفاسدين بلكت يرجعون الي باگوه، وخليكم إسبورتيه، واقبلوا المساواة مع باقي الموظفين بالدولة، لأن الكلأولاد تسعة.