طلع شيخ دين من البصرة بوحدة من الفضائيات، وكان مرتب ولابس زين، وبعد ما تنحنح گال:
انتصرنا، فالگاعدين بقوا يفرون بإذانهم، يريدون يعرفون شني هاي المعركة الباقية من بعد أم المعارك الي انتصروا بيها جماعةالشيخ.فواحد من الموجودين گال:إنتو ليش تربطون النصر دائما بالمعارك، يمعودين العالم تغيّريجوز انتصروا على تهريب المخدرات التي تجينا من ايران،ودمرت عقول شبابنا، وهذا برأيي أعظم انتصار بهذا الوقت. آخر گال:لا ما أعتقد هاي ينرادلها قرار سياسي، والقرار ما موجود،وينرادلها تحريم ديني، وهذا هم ما موجود، فيمكن انتصروا على اللسان الملحي الي دا يمتد من شط العرب وصاعد، ودا يزيد،وإخترعوا طريقة لتحلية مي البحر بخل التمر، وراح نشوف البصاروة منا وهيچ يبلبطون بمي زلال. الثالث گال:انتو بالأول عرفتوا الشيخ، ومن گالوله لا، گال هذا مدير مكتب ممثل الامام خامنئي بالبصرة وكمل:الانتصار الي يقصده منع حفلة غنائية للفنان محمد عبد الجبار اليرايدين البصاروة يسووها دا ينفهون عن نفسهم.رد الرابع وبصوت عالي:معقولة أشو الإيرانيين سمحوا بنزع الحجاب، وقبلوا الموسيقى بالشوارع، وعدنه راحوا يمنعونا منها! ليش واشلون؟