بعد ما طلعت نتائج الانتخابات لهاي الدورة ٢٠٢٥ هواي منعدنا صفنوا عليها، وگالوا:بله زناگين هذا الوكت وحراميته كلهم يفوزون ممكن، لأن اشترواا لأصوات وفازوا بفلوسهم.وأهل السلاح بلمتهم يفوزون، ويجيبون خوش أصوات هم ممكن،لأن احنه بطبعنا نخاف السلاح والي شايل سلاح، ثم الخوفة من ذيچ الأيام الي استخدم بيها السلاح ما زالت بگلوبنا، والربع فازوا بسلاحهم.وقائمة رئيس الوزراء تفوز، وتجيب الأعلى هذا كلش طبيعي،وهاي مو أول مرة تصير كل رؤساء الوزراء وهمه بالمنصب فوزهم مضمون وعال العال، لأن الي يأخذ أمي يصير عمي.لكن:قوائم تجيب أصوات أكثر من عدد جمهورها إشلون؟وكل المجربين الچافصين گبل يفوزون والمرجعية تگول المجربلا يجرب، والناس أخذت من قولها هذا شعار إشلون؟ومسؤولين إيرانيين يفترون بطولهم على مراكز انتخابية إشلون؟والدعاة الحقيقيين للتغيير والنزيهين المعروفين ما يوصل واحدمنهم لعتبة البرلمان وأكثر الناس تطالب بالنزاهة والتغيير إشلون؟ومنا الى أن يوزعون الحصص بيناتهم بلكت الله يختلفون،ويتعاركون حتى يكشفون الحقيقية الي صار الكل يدوّر عليها:الانتخابات مزورة لو لا؟