الحمد لله الذي لا يحمد على مكروه سواه، ولأول مرة من بعد حوالي ألف مرة نطلع الأول على العالم بفد شي، بعد ما گضيناه اكل هاي السنين نجي نزحف بالأخير بمقاييس:السعادة، والنفاهية، وقوة الجواز والثقة بالحكومة العليّة،والإخلاص بالعمل والنزاهة، والأمن وغيرها هواي.والمركز الأول الي أحرزناه ورفع روسنا فوگ النخل جا من البرلمان مالنا الي طلع وحسب إحصاء للاتحاد البرلماني الدوليأن كلفة عضو البرلمان العراقي (رواتب وحمايات، وسيارات،وكلاوات) هو الرقم واحد بالعالم.يعني النائب مالنا طلع هو الأغلى، ووزنه مثل ما يگول أبو المثل بوزن الذهب ما شاء الله.وطلع راتبه أكثر بـ (٣) أضعاف من راتب البرلماني السويدي،والبرلماني الفرنسي، والنيوزلني، وضعف راتب البرلماني البريطاني والامريكي والحمد لله.هاي غير مصاريف (١٦) حارس، وسياراتهم والبانزين،والنثريات، ومخصصات السفر والسكن واشويّة حباشات.المهم الإحصاء بآخر السباق يگول:كلفة برلمانا تصل مليارين دولار بالسنة، والبلد يمر بأزمة نقد شديدة، ومستقبل الاقتصاد صعب، وهنا وگف أبو عماد يسأل:
لعد لو ماكو أزمة كان اشگد صارت كلفة البرلماني العراقي؟وهاي الكلفة يا ترى تسوه الجهد الي دا يبذله؟ أعوذ بالله منغضب الله.