تلبية العراق لدعوة حضور دولي الى شرم الشيخ مع غيره من الدول للتوقيع على اتفاق خطة ترامب لوقف القتال بغزة مو غلط.لا بالعكس لازم يحضر المحافل الدولية، ويعبر عن أراءه،ووجهات نظره فالعراق جزء من كل ما معقوله يعزل نفسه.لكن هواي من العراقيين من سمعوا الحضور گلبهم لسبهم يگولون:نخاف من ترامب لا يدهدر فد حچاية بالشقة وغل ايدك.ويأكدون أن غلة ترامب تخلي الواحد مثل بلاع الموس يرد عليهايبتلي، يغلسّ بعد أكثر يبتلي.ودهدرها الرجال لمن گال لرئيس وزرائنا أثناء مصافحته على المنصة:عدكم نفط هواي وما تعرفون شتسوون بيه، وهو ولو كان صادق بحچيه، خلانا دايخين اشيقصد:عينه على النفطات.لو على الوارد.لو يركض وره الصفقات بفلوس النفطات.لو يريد يعلمنا شنسوي.
ومع ذلك وأي كان قصده، فهي هاي الحقيقة المرة:شنو الي سويناها بواردات النفط غير التخبط، والسرقة، والتبذير،والاستقواء، وتكوين جيوش موازية لتهديم الدولة.صدق من قال: عيش وشوف.