يا ما حچينه على بعض أخطاء القضاء، وأوجه القصور الي تحصل داخل المحاكم وفي أرجاء القضاء.ومع هذا يصح القول:أكو بارقة أمل، أو بصيص ضوه بالنفق المظلم، لأن:طلعولنه قضاة منصفين، وشجعان.محافظين على القَسَم في أن يحكمون بعدل، وانصاف.ينتسبون الى محكمة بداءة الكرخ.حكموا في ٣١/٨/٢٠٢٥ لصالح السيدة فضيلة بقضية استرداد بيتها من أمين عام حزب الدعوة الإسلامية تنظيم الداخل عبدالكريم العنزي وابنه عارف.وقصة البيت قصة اغتصاب بالعفتره من (٢١) سنة.لذلك نگول:هذا الحكم وبهذا الوكت يعتبر مو بصيص ضوه بنفق مظلم، وانما:لوكس بنص النفق الهندس.
لأن مو سهل بظروف العراق ما بعد ٢٠٠٣ تگول لا:لأصحاب التفويض الرباني الي يسوون بيه ما يريدون.لذوي النفوذ القوي الي مقنعين نفسهم أنهم مسووين الصحيح.للمناضلين الثوريين الي يطالبون بثمار نضالهم حتى لو من أملاك الناس.للواهمون بأن طريقهم هو الصحيح، وان ما يقومون بيه بحياتهم وأثناء امتلاكهم للسلطة هو الصحيح وبس.