هواي نكرر بالعراق كلمة عاريّة، ونگول:هذا السگف عاريّة.وذاك الحايط عاريّة.وذيچ الصخرة فوگ الجبل عاريّة.والعارية تعني ان الحايط، أو الگنطرة، أو الصخرة كلمن بمكانه معلعّلْ، سانده فد شي مثل عروگ شجرة ممتدة، لو شگفة من صخرة ثانية باقية، وإذا گبت عليه هويه قوية، لو مطرّة ثگيلةيطيح أو يتدهدر، وما ترهم إله كل چارة.ويبين مفهوم العارية عدنا تعمم، ووصل للدولة ولعمليتها السياسة،الي اذا نباوعها من فوگ نشوفها دولة معلعلة:
الفصائل تلعب بيها طوبة.والكتائب تجول بيها جولة.والفساد ينخر بأساستها.لا هي دولة دينية، ولا هي علمانية.مادة رجل ويّه إيران، ورجلها الثانية بأمريكا.لا محسوبة على العرب وماشيّة بطريقهم، ولا رايحه ويّه المسلمين وذابه جرش وياهم.يعني بالمجمل مثل الصخرة المعَلّعِلة على حافة الجبل، ولازمتها شگفة. والمصيبة مالتنا الشگفة الي لازمة دولتنا لو أمريكية وهاي ما تتأمن ولا ينوثق بيها، لو إيرانية وبهذا الوكت هي محتاجة شگفة تلزمها لا تطيح.