سنان طبيب من الأعظمية قح، كمل طب بغداد قبل عشر سنين،يگول اتفقت آني وزميلتي نجفية قح على الزواج، وبعد التخرج رحت خطبتها، ووصلنه للمهر، وآني ما يهمني على يا مذهب نگطع المهر، ولأن أهلها أصروا على المذهب الجعفري، گتلها بكيفيچ آني هاي الأمور ما أفكر بيها، المهم احنه متفاهمين ونحب واحدنا للآخر.
وگطعنه المهر على المذهب الجعفري، وتزوجنه والأمور عال العال.أشو إجتيني قبل كم يوم تضحك، وتگلي أگلك يصير نغيّر.آني هم عبالي السيارة لو فد شي بالبيت، فگتلها يمعودة عوفيني بحالي آني ملتهي أحضر للبورد، وما عندي وكت أغير كلشي.رِجعَتْ تضحك، وگالت لا تروح بعيد، أريد أغير عقد الزواج مالنا لمذهب أبو حنيفة تره آني وره ما شرعوا القانون الجعفريحسيت كأنو إنغدرت.چنت واگف وأحچي، فمن المفاجئة بهتت، وگعدت، وبضحكه مليانه شماتة حبايب گتلها:حيل وبأبو زايد.ومن شفتها انعقچت، طبطبت على چتفها، وگتلها والعباس أتشاقة،إذا تريدين تغيرين، وتگدرين روحي غيري آني هم ما عندي مشكلة، بس اشوف.رجعت تمتمت، وتگول هم خليتلها بس، شنو قصدك، فجاوبتها:لا ما عندي قصد ردت أگول بس لا تستعجلين أخاف يروحون جماعتنه يدخلون سباق ويه جماعتكم، وهم يشرعون قانون أضرب من قانونكم وتنغدرين مرتين!