لمن واحد يريد يوصف فعل بأشد درجات القبح يحتار شيگول:دناءة، سفالة، خسة، قبح، وضاعة...الخ، وإذا حط فوگاهن بگدهنهم يظل حاير وما يبرد گلبة. زين إذا الڤديو الي إنشر عن نائب رئيس وزراء سابق، وبلقاء على الهوا مباشرة يهدد باستخدام فديو لحرم واحد سياسي منافس مصوريها بلقطات فاضحة، ويگول منغير ما يستحي: إذا ما يبطل نشر تسريبات راح ننشر الفديو حتىلو تابت.والي يسمع ويشوف هذا التمذرع، وحتى لو طلع صدگ، فبهاي الحالة ما عنده غير يگول:تره صعب تلگي وصف مناسب لهاي الأفعال، ولهيچ شخصيات سياسية لعبت بالأصل على كل الحبال، وركبت بغلة الدين حتى تچلب بفارگون السياسية، وبنفس الوقت يگول:مو بعيدة هاي النمايم موجودة بالمجتمع العراقي ومنتشرة بين الطبقات الاجتماعية.وهواي من هاي النمايل عدها الاستعداد أن تنزِلْ لهذا المستوى من الابتزاز والتهديد والعفتره، لأن:الوكت يقبلها وملائم لقبولها لكثرة حصولها وتكرار الحصول.والمجتمع العراقي بشكل عام أشبه بالخدران، وما عنده أي استعداد يستنكرها أو يگب عليها ويكتمها بمكانها. وأخيرا لازميمكن يگول:إحنا أبد مو بخبر، ويمكن الي دا يصير هالمرة من صدگ هوعلامة من علامات الساعة.