مفوضية الانتخابات تجتث يزن مشعان، وما تقبل يرشح للانتخابات حتى يصير عضو بالبرلمان، ومن تسأل الناس ليش؟تگول:أولا مقدم شهادة مزورة، وثابت عليه أنها مزورة.وثانيا لازمين عليه تسريب صوتي صحيح يطلب رشوة.وبعد هذين الحقيقتين برچمت قرارها بصيغة، أو التسبيب مثل مايگولون بالقانون بحيث ما يقبل أي نقاش وهو: للمصلحة الوطنية،وضرورة ترشيح ذوي السجلات النظيفة استبعد.ناظم يسأل ويگول:لعد يابه سالفة النظافة تنطبق بس على البرلماني تريدوه حيل نظيف؟لو المفروض كل من يشتغل بالدولة، ويمثل الشعب لازم هم يكوننظيف؟ثم لمن انتم مثبتين على الرجال كل هاي الدگايگ اشلون تعينوه سفير؟ليش منصب السفير ما يحتاج واحد مرتب ونظيف؟ثم ياهو الأهم والأنظف للدولة:البرلماني ولا زغرا بيه، الي ما عنده شغل وعمل غير يركض النهار كله وره رواتبه، وحماياته، ومخصصاته، ومقاولات حزبه،وشغلات أقاربه؟ لو السفير الي:يمثل دولته عند دولة أخرى.يوثق علاقاتها ويحسن سمعتها عدهم حتى يزيدون تعاونهمودعمهم.يدافع عن مصالحها ويقوي هاي المصالح ويثبتها بالساحة الييشتغل بيها.تره صدگ يا جماعة هزلت!!