كامل دا يتابع السيرة الذاتية للسفير الأمريكي جورج الي متعيّن جديد ببغداد شافه زين وتبين:أكاديمي ودبلوماسي مشتغل بعدة مناصب بالخارجية.مسؤول عدة ملفات.اشتغل قائم بالأعمال بليبيا.ومدير شؤون العراق بمجلس الامن القومي، ويتقن ست لغات فوگاهن العربية، ومن بعد الاطلاع على هذا الكم من الخبرات،صفن اشوية وگال:أشو رأسا إجتي على بالي قائمة السفراء الي قدمها مجلس الوزراء أخيرا، وأقرها البرلمان، وشفت الأصغر عمرا بهاي القائمة أبو حسين:مواليد ١٩٩٠.مشتغل سنتين موظف بجامعة خاله.وسنتين موظف بالبرلمان بصف خاله.وعشر سنين خبرة مشي وره خاله.ومن قارنت بين الاثنين، ولو ما تجوز المقارنة حرت اشلون راح يتعاملون وياه منتسبي السفارة المخضرمين الي راح يرأسها؟
واشلون يباوعوه السفراء الأيچات من دول العالم؟ واشلون راح يتصرف من يقدم أوراق اعتماده لذيچ الدولة ويخاطبوه سعادةالسفير؟وسألت نفسي عجباه ربعنا ما تهمهم سمعتهم، وما يريدون ينجحون، وتاليها اقتنعت بحچي السيد رئيس البرلمان من گال:إنهم جايين مقاولين تفليش.