يتذكرون الي بانين بيوت، كلما يلگون طابوگة طالعة من الساف مالتها، لو فَطرْ بالحايط الي توه مبني يسئلون الاسطة أو الخلفةمثل ما يگولون:ليش هذا الشي صار؟ما يكلف نفسه، بتصحيح الخطأ، ويروح يجاوب:هاي سهله تروح باللبخ!وبعد ما يگعدون بالبيت، وگبل ما تدور السنة، تبدي الفطور تطلع بالحايط والرطوبة تصعد فوگ البتلو من وره نظرية يروح باللبخ.عاد ولا برلمانا بهذا الوكت، شفناه اشلون مشه قائمة السفراء بنفس طريقة اللبخ، والي أساسها:السيد الرئيس أو الحجي كما يدلعوه لوقاره وكبر سنة، بس يقره الاسم بنص الهوسة، والاحتجاج، وبدون الاطلاع على السير الذاتية، ولا التأكد من اكتمال النصاب، وكأنه الخلفة اليث لازم المالج بإيده اليمين، وبضربة وحدة لبخ القائمة وصارت قانون.
ما يهمه هو ولا يهم كل الأعضاء الي عدهم أسماء مرشحين عنهم، أو أقاربهم بهاي القائمة، أو مصالح خاصة، ولا دايرينبال:اشراح يصير باچر من وره سوء الاختيار والترشيح.وشنو تأثير السفير الفاشل، أو الي ما عنده خبره على البلاد.المهم عند السيد الرئيس ورؤساء الكتل الي ثبتوا حصصهم بيهاأن القائمة إنلبخت بمالج زين، وحققت الأحزاب مرامها حسب الحصة... ويا محلا اللبخ بعون الله.