يقول العرب لو خليت قلبت، وهو قول من تقارن نتائج بعضالأفعال الي تحصل من عدنا أو أمامنا تگول جداً صحيح.
140أكثر من سنتين، أتابع إخبار قدمته الى مركز شرطة الشرقيبمدينة بعقوبة عن سرقة سيارتي القديمة (جغوار) بعد (٢٠٠٣)كنت مأمنها في معمل لأحد الأصدقاء في خان بني سعد، وكلماأخابر المركز أي ضابط يجاوب يگول نايمه يم القاضي، ولازمتنتظر، وأخيراً گلت ويه نفسي لا يروح واحد يسوي بيها مكسورهَويبلاني، لازم أفض موضوعها.المهم عندي صديق من بعقوبة ترجيته وراح للمركز شافمفوض شعره مليان شيب گله هاي قصة التبليغ عن السيارة.صفن وراح دَوّرْ، لگه الاسم بالحاسبة والمعاملة ماكو. سأل كلالضباط المعنيين ما لگاها.گال أگلكم المعاملة يم واحد منهم وضامها متعمد انطوني مجالباچر وعگبه أدور ميز ميز بعد الدوام وهذا تلفوني وبلا ماتتعنون خابروني أنطيكم النتيجة.گلت هاي مو لله، هذا اشگد يريد، وثالث يوم خابرته، گاللگيتها وراح ادزها للقاضي بنفسي. گتله بارك الله بيك واشتامر.جاوب سلامتك ما تشوف راسي المتروس شيب، معقوله بتاليعمر أدوس حرام.ما صدگت. سألت عليه گالو:إي صدگ هذا أبو وليد نزيه وآدمي.اندعيت من الله بلكت يبقيه بالخدمة الى اليوم الي ينجح بيهاستنساخ البشر في العراق حتى يستنسخون منه ويرجعون الأمانةوالنزاهة مثل ما كانت وأحسن.