الهي انت جاهي وفوگ راسي. جاي أشكيلك، بعد ما عجزت أنأشكي لأي واحد من لهاي الملّهَ الي تعبدك.لكن وگبل ما اشكي حبيت أگلك:
والحسين أكثرهم يعبدوك چذب خو دا تشوف بالسوگ،وبالجوامع، والدوائر والمولات، اشگد چاوين گصصهم على أساس يصلون؟تره أكثرهم چانوا لابسين زيتوني وبالليل گاضيها بنادي الموظفين، لو المعلمين، يشربون منكر. هسه ما علينه هاي بينك وبينهم، ولا تعتبرها أخبار كاذبه، وتضيفها ذنب على ذنوبي.المهم ربي تِقبَلْ ضابط صف يبوگ بذاك الزمان ينحبس، وينطردويطلع، يم العمام سنتين ويجي وياهم، لا الحقيقة گبلهم بشهر،يزوّرْ شهادة الثانوي،ة ويصير عضو مجلس محافظة، وهو بالمجلس يكمل كليه.تدري اشون كمل كليه؟ اذا الملائكة ما سجلولك اشلون كمل اني أگلك اشلون واشرحها الك بالتفصيل:عميد الكلية، واساتذتها يخلوه بغرفه خاصة بحجة الأمن، وهمه يكتبون إلهَ الإجابات مثل ما موجود بالكتب.وصار محافظ وگشوّل الأول وكثرت فلوسه وموارده، ودفع منه اخوش كميات حتى يصير وزير، وصار. نسيت اگلك تره الدولةتدري بيه، والشارع يحچي عليه، والي انتخبوه يعرفون بحقيقته...معقوله ما تدري، وهسه بعد ما عرفت ما نريد منك غير تنطينا شارة، تشوٌر بيه، بينه... الك بيها راده.