الخارجية الايرانية وبعد ما استخدمت إسرائيل الأجواء العراقية،واستباحتها لضرب ايران من فوگاها، راحت وبيان رسمي، ومن
غير أي تردد، ولا أي دبلوماسية، ولا حسابات للجيرة، والعلاقات الخاصة فوگ العباية وجواها، تحَمِلْ العراق مسؤولية اختراق أجواءه، وتگول بنبرة بيها شمخره:إنتم دولة مستقلة وذات سيادة وبما معناه ليش قبلتوا، وراح يكون عدنا حساب ويّة المحايدين:عجيب أمور غريب قضية أشو إنتم أهل الآنة، وما شاء الله موبس جوارين، صرتوا أهل البيت، وتعرفون البير وغطاه وكلشيبيه، وتدرون بقصة إعادة بناء الجيش العراقي الجديد، وانتوا موبعيدين عن تحديد قدراته، ومسألة تسليحه، ودوركم بالموضوع معروف، ودَفِعْكم بتأسيس تشكيلات، وفصائل مسلحة موازية إله حتى بالتدريج تحل محله هم معروف.هسه ما نريد نحچي أكثر من الي حچيناه، وإنتم بعدكم ملچومين،بس نگللكم ومن غير عتب:الفصائل والتشكيلات الي سويتوها، ودربتوها، وسلحتوها،وصرفتوا نص ميزانية العراق عليها، خليها توگف وياكم بهاي الشدة، وتضربلها چم صاروخ ولو عن العين من جرف الصخر،ونگول:بدل ما تحملونا تحليق الغربان فوق أجوائنا، خو إنتو نشوا اليتعبر، وتطير فوگاكم ٢٤ ساعة.عمي متخلون الناس ساكته مو صرنه مثل بلاع الموس!