عبد الأمير ومن قره منشور الطائفية النايمة البارحة خابر وگال:أگلك ترة مو بس هذا أبو الشركة طائفي، ولا الطائفية فتنة العن أبو الي يصحيها، تره صار فوگاها نفس استغلال مليشياتي طائفي، ينشط كلما تقرب الانتخابات. ومن گتله اشلون؟ گال: قبل أيام وبالتحديد يوم الأثنين الماضي، بشارعنا بمدينة الحرية عائلةسنية، ساكنين ببيتهم هذا أكثر من عشرين سنه. حتى بأيام الطائفيةمحد تحارش بيهم لأن خوش ناس ومنسجمين ويّه أهل المنطقةويجبوهم. أشو بذاك اليوم جوي عليهم جماعة مسلحين بسيارة
بيكب بلا ارقام، ووياهم جيرانهم الحايط عالحايط، گالوا للرجال لازم تبيعلنا البيت وتشيل. رد عليهم بأدب:يابه اني ساكن من زمان، وهذا بيتي، وهاي منطقتي أباً عن جدوين أولي.ردوا عليه انت السني الوحيد بالشارع، واحنه ما نريدك بيناتنا واحد سني، ومن گللهم عمي ليش آني گايل سني، اشو أحظر كلفو اتحكم وقراياتكم، وألطم وياكم بعد شتريدون مني.گلوله ماكو فايدة، تبقى انت بوسطنا خطر اذا صار فد شي.عمي شيصير اتعس من الي صار، ومحد تقرب النه، ولا احنه سوينه شي. نتم شجاكم هسه راجعين على شي مات واندفن.وختمها وياهم:شوفوا اگللكم شتريدون تسوون سووا، اني لا ابيع البيت، ولااشيل منه، وهسه راح اروح على السيد. بس الصدگ ما گال ياسيد الي راح يروح اله، ويشكي حاله يمه، ويلعن السياسةوالسياسيين الي يستخدمون كل وسيلة قذرة، دا يجمعون بيها اصوات.