السيد المشهداني رئيس البرلمان الله يطول بعمره، أكثر السياسيي نصراحة، وأشجع كل رؤساء البرلمان الي إجوي قبله، حتى فيبعض المرات يگولون عليه كنوع من المزاح:يسوگها بتبنها.وبواحد من الفديوات الي شفناه بهاي الايام يگول وبالنص الواحد(مثلا أكو ملف فساد، الان اذا نطلعه ينهار النظام)ومن سأله الصحفي شنو هو؟رد (ما أگول شنو).ولو اللقاء ما عرفناه صار بعد ترؤسه للبرلمان الي انتهت دورته٢٠٢٥ لو الي قبله، والحقيقة صعب ينعرف لأن:ما شاء الله بقى السيد الرئيس على شكله من عشرين سنه ولليوم،ومع هذا وبعد دگه زغيّره على الخشب حتى لا نصيبه بالعين نگول:إذا هذا الحچي هسه لعد شنو شغل البرلمان ورئيسه غير يراقبأداء الحكومة ويكشف أخطاءها ويسائل المقصرين.وإذا ما راقب، وكشف، وسائل وسئل هاي شيسموها مو خيانةأمانة؟وإذا كان الحچي قبل الرئاسة الأخيرة هاي، فلازم يطلع على العالم وبالعلن، ويبرر ويمسح الي قاله من قبل وما طبقه هسه.وإذا الحچي مجرد حچي على طريقة السيد المالكي الي كلما تدگ الطاسة بالحب يطلع ويگول عندي ملفات، فالسكوت أحسن وأخير.