من تصير لعبة طوبة للعراق مع أي دولة من الدول ننخبص عائليًا هذا الي يدوّر على القناة الي تنقل اللعبة، وهذا الي يتصل بعبد الله ببغداد حتى يدليه على من ينقل اللعبة.وإجتي لعبتنا ويه فلسطين بعمان نهاية اذار، وبدا الحماس ولوّ قناعتنا بالفريق الفلسطيني هو أضعف الفرق بالدورة فما يتطلبذاك الحماس، وويه صفارة البداية گالت المرة:على كيفكم لا تروحون زايد، لأن فلسطين بمحنة، ومحنتها أكبرمن محنتنا فحتى لو غلبت لا تضوجون، لأنهم خطية يحتاجونفرحة، وإشويّة أمل يخفف عليهم محنهم، الى طايحه عليهم محنةوره محنة.وخلص الشوط الأول، كان مقبول، ومن بدا الشوط الثاني بينوالواعيبنا مثل خيل الشرطة كدش ما بيهم أصيل.وبينْ الگول الثاني علينا عدوانية قسم من الشباب الفلسطيني والأردني بالهتاف ضد العراق موقف دوني أكيد ما يمثل موقف الشعبين، ولا موقف الحكومة الأردنية من العراق.لكنه موقف مؤلم من جيل ذاكرته عفنه ناسي موقف العراق من فلسطين من بداية الصراع ويه إسرائيل لهذا اليوم.بس العتب مو على ذوله الواطيين.العتب كل العتب على الكدشْ الي لعبوا بلا غيرة، وعلى الدولةالعراقية الى بقت تزَغرْ بالعراق وخلته علچ بحلوگ الزعاطيط.