أهلْ گبل من يسيّرْ عليهم واحد وتصدف ويّه جيته، يجيهم مولودأو تمطر الدنيا لو تِنحلْ مشكله من مشاكلهم الي چانت معصلگه سنين، يگولون على الجاي والله هذا رجله علينا خضْرّهَ.وإذا صار العكس وگبتْ عركة بيناتهم والعركات ما شاء الله بالديرة هنّه هواي، أو إجتي بالصدفة طلقة تايهه، وقتلت بقرة تايهة، والتايهات بكل الأنحاء هم هواي، لو گب حريق في بيتمن البيوت والحرائق ما شاد الله، فيگولون على ذاك الجاي الهم گصته يُغرْ.هسه ما ندري أهل لبنان شگالوا على السيد قآني الي راح على حزب الله، واجتمع بقيادتهم، وأول ما طلع قصفتهم إسرائيل،واستشهدوا كلهم، الله يرحمهم برحمته الواسعة.وهم ما ندي على أهل اليمن الي تعنالهم السيد عادل عبد المهدي،وأول ما طلع منهم، تناوشت مقراتهم أمريكا وإسرائيل بمنتهىا للآمة، وتسببت بمقتل أغلبهم الله يرحمهم ويغفر اليهم.دگتين فعلا حيرتنا وخلتنه:لا نگدر نگول گصصهم يُغرْ لانهم متدينين، وخيرين، ويريدونالخير لغيرهم.
ولا نگدر إنتل بختنا، ونتهمهم بغير شي، لأن ما معقول فتاريخهم النضالي الطويل ينفي أي تهمة يمكن أن يتهمون بيها.ولا نگدر نصبر على الي صار وجرى من خسارة ودمار،ونخليها على الله سبحانه وتعالى بلكت يگللنياها يوم القيامة!!