عباس يگول: آني مو من هوات لعب الطوبة، واذا اريد أتابع لعبات منتخبنا فأدوّر على القنوات الفضائية الي تنقلها وأباوع،لكن هاي المرة وبعد ما طلع السيد البصراوي يصدر أوامرللشباب أن ما يروحون يشجعون منتخبهم بلعبته ويه الكويت، گلتويه نفسي إلا أروح للملعب حتى أشوف الشباب بنفسي راح ياخذون بالفتّوَة مالته وما يجون لو لا؟
وبالمرة أتأكد هو يشوّر لو ما يشوّر؟وأخذت صديقي وياي ورحت، ولمن شفت الملعب تقريبًا مليان گلت إي الحمد لله لحد الآن أكو عدنه من الشباب هواي عقله منظيف وما يسمعون خرافات. لكن ما أخفيكم سر بقيت تسعين دقيقة ألوب من أتابع لعب فريقنا أشوفه زين بس ما يگوّل عبالك الحظ دا يعاكسه بكرامة ودعاء السيد، ومن طلعوا الكويت گولين بدا الفار يلعب بعبي وگلت:بس لا صدگ شوّر بينا وبالفريق.ولمن شفت الوقت بدل الضائع تسع دقائق گمت أدعي من ربي أنلا يمشي كلمة هذا الرجل علينا ويشوّر بينا، مو على مود الطوبةوالفريق والوطن، لا:لأن إذا شوّر بعد شيخلصنا منه عاد يگوم يتدخل بالزغيّره والچبيره، ويجوز يسويله تيار يكتسح الانتخابات.ولمن جا گولنا الأول كثقفتْ الدعاء، ولن جا الثاني بآخر ثواني،گلت لصاحبي: ياله گوم، ولو النتيجة مو شي، المهم طلع صاحبنا فاشوشي، لا يشور ولا هم يحزنون.