أكو واحد من قادة الفصائل المسلحة رجل دين قبل كم سنة طلع بالتلفزيون وگال عبارته المشهورة:(لو صارت حرب بين دولة العراق وبين دولة إيران آني راح أحارب الى جانب إيران ضد العراق).وبهاي الأيام طلع بلقاء على الهوا ينصح كل الفصائل الموالية لإيران، بالعودة الى عراقيتها، وأكد رجوعه هو لعراقيته،والحقيقة محد من عدنا ولا من الغير يعرف أسباب هذا التغير بالموقف والرأي.ومع هذا أبو حسين يتابع مثل هيچ سوالف وعنها يگول:إذا الرجوع مال السيد بعد حوالي عشر سنين من التنفيذ الحرفي للأوامر غير العراقية في القضايا الوطنية كان من كل گلبه، فهذا الشي زين ويشكر عليه من كل العراقيين. أما إذا كان:مجرد شقلبان، نتيجة حميان الحديدة الامريكية والإسرائيلية ونواياهم باستهداف الفصائل الموالية لإيران.أو نتيجة نقص التمويل الإيراني للفصائل بعد التشديد الأمريكي على تحويلات الدولار الها من العراق.أو تسابيج للانتخابات الجاية يريد من هسه يركب الموجة ويسويدعاية.فهذا الشي مو زين لأن معناتها راح نبقى عشر سنين أخرى،سيارة بسكانين، ويكمل أبو حسين ويگول مع هذا وأي كان السبب فتاليها يرجعون لازم يرجعون لأن ماكو سيارة تستمر بسواق اثنين.