حلاوي هدت السياسة حيله وما بقى الحيل ذاك الحيل يسأل حلاوي آخر بعده بحيله أگلك:شني هاي الذبايح، والهوسة، ومآدب الإفطار بديرتكم؟فجاوبه بحيل صدر ليش ما دريت مو المحكمة شملت هيثومي بالعفو، وخلاص انتهت القضية وماكو بعد حكم غيابي، ومعناتها راح يرجع مرفوع الراس.رد عليه والله يابه خوش توقيت، بس تعال گلي والفلوس الي باگهارجعها لو بعدها بذمته؟وباعتبارك تعرفه زين هم راح يرشح للانتخابات؟ وهم راح يرجعلنا نجم فضائيات يحچيلنا على الفساد ومشاريع بناء الدولةوالاعمار، ويضل يخدر بعقولنا ويقشمرنا من جديد؟يجاوبه والله الفلوس ما أدري بيهن عاد راح يشملهن العفو، لويرجعن، واشلون يرجعن كاش لو بالأقساط من ربحهن بعد مادخلن بدهاليز الاستثمار، هم ما أدري، بس الي أدري بيه ومتأكدمنه هو يفكر بالانتخابات الجاية، وحتى لو هو ما دخل بشخصه
راح يسويله حزب كواجهة ويصير هو الراعي، ويرى الي وياهمن غير ما يبين بالصورة، والمهم الربح يتسجل اله.صفن اشويه وگال ليش لا، يجوز يفوز حزبه بعدد زين من المقاعد، لأن راح يصرف على الانتخابات خوش فلوس، ويجوزيگوم هو الي يرشح رئيس الحكومة والوزراء، ويجوز ويجوز،وبالفلوس كلشي يجوز، قابل الرعيان الي سبقوه ومشوا على هذاالطريق أحسن منه؟