يگولون أهل گبل صعب تفتهم العراقي: لأنك تلگه المسافة النفسية بين زعله، وبين رضاه شعرة، وتلگه بين مشاعره العدوانية، وبين مشاعر الرحمة الي جواه اشويه أثخن من الشعرة، وأعتقد المسألةبهذا الوكت صارت أصعب، أو حتى ما تگدر تْفِهْمّهَ لأن مسافة
التناقض قَلتْ هواي عن قبل وصارت أرفع من الشعرة، أوانعدمت هاي المسافة، فتشوف:متدين ويبوگ الجامع.سياسي مصلح، وأكبر فاسد.قائد ينادي بالوطنية، وهو عميل لدولة أجنبية.طبيب شاب (محمد ماهر) والد بأوربا، وعايش ومتعلم بأوربا،تاخذه الغيرة العراقية ويتطوع لتطبيب أهل غزة، وامه ما تدري،وتخلص مدته ويجددها الى أن صار وقف اطلاق النار مسويأكثر من (١٢٠٠) عملية صعبة بوضع صعب، حتى شالوه أهل غزة على أكتافهم تكريمًا اله.ومن قابله رئيس وزرائنا كله ما أريد شي لنفسي أريد تبنون بغزةمستشفى عراقي، والعراق مو أقل من الدول الي بنت مستشفيات هناك.وگبال هذا الطبيب النبيل شفنه بالحلة أطباء يشتغلون بمستشفيات حكومية، يضمون أجهزتها الطبية المهمة للكشف، والعلاج حتى المرضى المساكين يضطرون مراجعة مستشفياتهم الأهلية.بس تعالوا فهموه لحجي أحمد أغا إشلون راح يفتهمنا، والمسافةبين التناقضات بيناتنا من السماء للأرض.