إيران أم الآنة، والي استشهد هو السيد نصر الله، واستشهد بحربها، ومن أجل أهدافها ما نطت عطلة بيوم التشييع، ولو راحوامنها مسؤولين، وغير مسؤولين شاركوا بالتشييع.ولبنان الي هو أصلا السيد نصر الله من أبناءه، وقاتل على أرضه، واستشهد، وإندفن بيها ما نطت عطلة، لا بيوم التشييع،ولا قبله بيوم، ولو شاركوا من جنوبها هواي بالتشييع.وسوريا الي قاتل السيد وحزبه سنيين على أراضيها، ودافع عن أسدها، لا نطت عطلة، ولا راح أحد للتشييع من علوييها، الي همه أكثر المستفادين من وجود السيد يمهم، ولا حتى من شيعتها.واليمن بقسمها الحوثي أكثر الجماعات ارتباطا عقائديا بحزب الله وتبادل الأدوار بالحرب، ما نطوا عطله بالمناطق الي يحكموهاومسيطرين عليها، واكتفوا بإرسال ممثلين عنهم شاركوا بالتشييع،وأدوا الواجب الي عليهم.عجب العراق والي هو لا من ذول ولا من ذول، راحت مجالس محافظات تركض، وتسوي عطلة لنفسها ودواوينها بيوم التشييع.شنو هذا العشق للعطل؟وما ندري عشگهم هذا للعطل، وغرامهم بيها عطلة وره عطلة،وين راح يوصلنا ويوصلهم.وبالأخير نگول من كل گلوبنا ونسأل: يعرفون اشدا يسوون؟لو لا مبقيها على سجيتهم: لا تفكر لها مدبر.