يگول إبشروا، كل مشاكلكم ومشاكل البلد اشلون ما تكون راح تنحل على الدورة الانتخابية الجايه، وكمل گولة: ما راح يظلبوگ، لأن الجايين حيل متدينيين، ومن كل گلبهم راح يچتثون البايگ من العرگ، والفاسد من وجهة نظرهم ما اله مكان.شعار الشخص المناسب في المكان المناسب راح يطبق أصلا على المرشحين للبرلمان، وعلى الي راح يكلفوهم بتشكيل الحكومة من أعلى بايه لآخر فراش بالأوقاف، وحنفية الشهادات الكلك الجاية من لبنان وإيران وغيرها راح تنسد من الأبي وللأبد،بعد ماكو واحد يجي بشهادة كلك، ويصير هو الي يْمَشيّ الكلك ويتحكم بالمصير. وبعده دا يعدد حسنات الدورة الجاية، بحرگةگلب سألوه الجماعة الگاعدين:على كيفك يمعود منين دا تجيب هذا الحچي شنو حلمان؟رد عليهم باستهزاء ليش انتم ما متابعين الكتل السياسية الچبيرةبالبرلمان تريد تفصل قانون انتخابات جديد على الگدر، بحيث يضمنون فوزهم ورجعتهم للبرلمان بوجود أكثر من الموجود الحالي حتى على كيفهم يشرعون القوانين الي يريدوها وتحمي استمرارهم للأبد.عود ليش كل دوره يسوون قانون جديد؟
غير يريدون يغشون حتى يضمنون فوزهم مرة أخرى، ترضون ما ترضون.زين وبعدين؟البعدين شدوا روسكم يگرعين بعد أربع سنين.