أيباه إحنه اشگد نحب العمل، بحيث أغلبنا نطلع وره ما ينتهي الدوام بساعات الى أن نكمل الي بدينا.وأيباه إحنه إشگد خيريين وملتزمين ومتدينين ونطبق تعاليم الدين الإسلامي الحنيف الي تگول العمل عبادة، بحيث:بوفاة الأئمة والرموز الدينية ننطي عطلة حتى نرتاح بيها من العمل.وبذكرى ولادتهم هم ننطي عطلة نگعد بيها عن العمل.وبالمطر عطلة، ولمن يگب العجاج عطلة، وإذا زادت الحرارةإشوية هم ينطون عطلة.وأخيرا أضافوا الها بثلث محافظات عطلة احتجاج على المحكمة الاتحادية لأن أوقفت تطبيق قانون العفو.طبعا الناس من حقهم يحتجون لكن يعطلون اشلون وشني العلاقة،بين المطالبة بشي وبين العطلة؟ هسه لو گايلين:نضرب عن العمل معقولة.ما نداوم إلا تنصفونا مقبولة.لكن نعطل احتجاجا هاي ما ترهم ولا يمكن تكون معقولة، لأنها:
ما تشكل ضغط على صاحب القرار ببغداد، ولا على الكتل السياسية الي تشكل الحكومة وتدير الدولة.وفوگاها راح تتسبب بحصول خسائر بالاقتصاد وبالخدمات، وماشاء الله اقتصادنا خربان وهو بالأصل يروّلْ.