الدول عدها أوراق (مواضيع) تلعبها بالتعامل في علاقاتها السياسية، والاقتصادية، والأمنية مع الدول الأخرى خاصةالجوارين حتى:تحصل أقصى ما تگدر تحصل عليه لصالحها من جهة.وتقلل من الشي الي ممكن أن تنطيه للدول الأخرى، أو تخسره من چيسها الخاص من جهة ثانية.هاي بالعالم، أما عدانا إحنه أهل العراق، مو بس ما نجيب طاري للأوراق الي عدنا، ولا نلوح باستخدامها، وإنما ننغز الآخ ربسچينة خاصرة عمدا، ونخليه يعادينا ويركض حتى يأذينا.وأقرب مثل جوارينا الأتراك، نگللهم يابه افتحولنا المي يگلولنا حزب العمال الكردستاني يصول ويجول عدكم.يمعودين فلوس داعش تجي من يمكم والمتطوعين يمرون منديرتكم يگلولنا قادة حزب العمال مدعومين من جهات محسوبة عليكم.وكل هاي السنين الي احنه ما النه بيها لا ناقة، ولا جمل بحزب العمال ندفع ثمن لمواقف تركية مو بصالحنا.وليش گعدنه گعده مال أوادم، وحسبنه شني مصالحنا، وليش نصير ماشة نار لغيرنا؟ بالعكس انوب استمرينه ننغز بنفس السچينة، وآخر نغزه بينت بالصدفة: الاخوان بالسليمانية ناطين جواز سفر عراقي للسيد مظلوم عبدي قائد قوات سوريا
الديمقراطية الي مطلوب راسه من تركيا، ويقود قوات بحالةحرب وياها، هاي شتحطلها وتطيب!