كاظم عسكري متقاعد قبل الاحتلال، أول ما طش خبر إيقاف استقطاع ١٪ من رواتب المتقاعدين، على طول لزم التلفون مالته وخابر صديقة جبار، وگله أبشرك أبو ستار تره لغوه.شنو الي لغوه؟الاستقطاع من الراتب. مو ذاك اليوم چنه نسولف بالموضوع واحنه بالگهوة وگلنه والله يابه مو بس ما عدنه مانع يستقطعون،وانما عدنه كل الاستعداد نگطع من زردومنه وننطي لأهل غزةوجنوب لبنان، لكن من يگول توصلهم صدگ؟ومنو يگول ما تنباگ؟أشو هي ودائع الضرائب بالبنوگ، وأصحابها معروفين وانباگت عيني عينك، عاد فلوس لملوم وأصحابها ملايين المتقاعدين المساكين اشلون ما تنباگ.عوفنه من البوگ انت صاير شكوكي، گلي صدگ ليش لغوه؟وليش راح يرجعون الى استقطعوه؟شنوا انحلت مشكلة غزه، وشبعوا أهل الجنوب بلبنان.لا يگولون طلع الاستقطاع من المتقاعد مو قانوني، وما يجوز لأي واحد يستقطع منه الا بقانون.أگلك لعد وين چانوا أهل القانون من قرروا يستقطعون؟شنو نايمين لو مسافرين.لا هاي ولا ذيچ، وروح ابوك نوبات يتخذون قرارات، ويمشون بخطوات، وهمه لا سائلين أحد من المختصين ولا ماحود.