گعدوا يحچون على وزراء العراق المشهورين بكل العهود. فواحدگال فاضل الجمالي بزمن الملكية دكتوراه من هارفرد، تربوي ناجح، ووزير خارجية جيد سبع مرات. الثاني گال محمد حديد بزمن كريم قاسم، خريج جامعة لندن، صناعي صار وزير مالية مضبوط. الثالث گال لا تنسون سعدون حمادي بزمن البعثيين خريج أمريكا صار وزير نفط وخارجية، معروف. الرابع سأل لعد ليش ما عدنا بهذا الوكت وزير گدها، ومعروف، فجاوبهالخامس لا تستعجل راح أحچيلك قصة واحد من الوزراء حتى تعرف الليش: الرجل چان بإيران يا دوبك مكمل ابتدائية، گضاهاشغل بالمقرات الحزبية، ومن رجع ويه ربعه بعد ٢٠٠٣ گالوله
رشح للبرلمان، بس جيبلك شهادة ثانوية، غط لإيران جاب الشهادةورجع، رشح وصار عضو. تعادل الشهادات كتبت لوزارة التربية الإيرانية على صحة الصدور، رجع الجواب، مزورة. وزير التربية من طينته، متقي حيل، ودائما يگول أنه يتعبد في عمله الوزاري، واليد الي تتوضأ ما تسرق، گله يابه روح للسفارةالإيرانية اختمها اشلون ما چان واحنا نعترفلك بيها. وبعد ماختمها واعترفوله بيها وبعدها صار وزير، وهو وزير جاب استثناء يدرس مسائي بجامعة بغداد، وهو بالأول چان يجيبب الامتحانات الأجوبة وياه جاهزة بس ينقلها بالدفتر، وبامتحان الإنجليزي، شافه المراقب يكتب بالمگلوبي شك بيه، ولزم عنده غش، تدخل ذاك الوزير التقي وطمطموها. رجع الرابع يسأل:گلي كمل الدراسة لو طلعوه. رد عليه: صدگ انت بطران اكيد بعد اربع اسنين كمل، منو يگدر يصقطه وهو من الربع.