اندگت الباب مال بيت أبو زكي، قبل ما يروح للدوام، فگال لمرته شوفي منو هذا جاينه من غباشي الله يا ستار.گلتله وعلويش أروح هاي دگة أبو المولدة جاء على فلوس الخط متأخرات صار ٤ أيام وهاي ثالث مره يجي ويدگ نفس الدگة،وتره أبو الايجار هم جاه، وقسط المدرس الخصوصي مال زكيهم استحق، مو انت صوچك كلهن مخليهن على يوم استلام الراتب.
فجاوبها بعصبية: ولج لعد شسوي أقسمْهِنْ على أيام الشهر مايصمخن، نصرفهن ونبقى ندگ حدودي، عاد گلت أجيب الراتب منا، وأوزعه منا بلكت أنام فد چم يوم بلا هموم الدين والاقساط،بس أني أدري الحكومة بزرها تخلف مواعديها بتوزيع الرواتب.أگلك يگولون سيوله ماكو، ليش وين دا يودون الفلوس، أشو هيتداوّر داخل العراق، قابل يدفعون للبضائع والشركات الأجنبيةبالدينار.شوفي دا أگلج: لا سيولة ماكو ولا هم يحزنون، ربعنه مخربطين،وروح ابوچ موظف اذا قرب الدوام من نهايته ما عنده استعداد يكلف نفسه ويطلق الرواتب، وخلي ببالچ يجوز ينسى وما يطلق،ويجوز من غير كتلة رئيس الحكومة ويريد يدگ الناقصة وياهويجوز...أوگف يمعود على كيفك وياي، خو يسوها إلكتروني مثل ماموجوده بكل دول العالم.مو ما يثقون بالكومبيوتر، ويجوز يعتبروه حرام.