تعودوا الربع كل هاي السنين الي صاروا بيها وكبروا لازم يختلفون، على الخالي بطال يختلفون.زين انتوا الي شكلتوا الحكومة، وانتوا الي إختاريتوا كل أعضائها، وحتى الفراشين بدوائرها علويش تختلفون؟
خلاف واختلاف كان واضح بزيارة رئيس جهاز المخابرات"حميد الشطري" الى سوريا ولقاءه بالشرع الي يدير الدولة، واليواحد منهم عن هاي الزيارة گال: هاي الروحة واللقاء عار.وواحد راد الحكومة لا تستعجل بالزيارة وأكد أنو تتأنى بعدإشوية.وآخر أشاد بالروحة، ومدح الحكومة أنها سوت الزين.ورابع على أساس كشف سر وخطير گال: أكو ملفات، ولزمات،وأسرار عند السورين على قادة عراقيين راح يطمطمها، لأن إذاطلعت ريحتها يهتز العراق.بس أقمش واحد من كل الي طلعوا هو المقوّط، كان حيل واثق مننفسه گال: رئيس الجهاز راح يهددهم حتى لا يتحارشون بينا، ولايتقربون الى حدودنا.طبعا كثر الاختلاف غير المبدئي داخل كتلة وحدة هي الي تقودالحكومة يبين وبالإضافة الى ان أصحابها ما منسجمين بأفكارهم،ولا متوحدين بجهة ارتباطهم، ولا فاهمين اشلون تدار دولتهم. أنوهواي منهم رچيچين يريدون باختلافهم يحسون ويه نفسهم انهم مهمين، ولازم الحكومة تسألهم وتاخذ رايهم بكل زغيّره وچبيره،والا يختلفون ويمذرعون.عمي متخلون الحكومة تشتغل، وهل الي يطلع منها هم انعم الله.