من گد ما چفص بعض المستشارين بحچيهم وتصريحاتهم، وجه رئيس مجلس الوزراء جميع المستشارين بعدم الاجتهاد بالتصريحات الصحفية، بشكل يخالف السياقات العامة لإدارة الدولة من خلال الإدلاء بآراء شخصية، لا تمثل الحكومة، وحقه الرجل يوجه لأن:قسم منهم سووها بلا ملح واحد يصرح بسقوط الدولة، وهو ابن الدولة، فزيّد القلق بين الناس، وما خلاهم ينامون الليل.وآخر بقى يلعب بتلفونه أثناء التصريح فزيّد التدهور الحاصل بقيمة الدولة.وثالث من أول التصريح لآخره يچذب عيني عينك، وضاعف عمليات الشك بمصداقية الدولة.أبو سلام يگول: يابه لو اشگد ما توجهون ماكو فايده، لأن أعدادهم كلش هواي، فصعب السيطرة عليهم.ولأن قسم منهم دازتهم الأحزاب حتى تسوق مشاريعها من خلالهم، وذوله لا يمكن السيطرة عليهم. وقسم على باب الله يغالون بتصريحاتهم لغرض التقرب الى رئيس حكومة الدولةوذوله صعب تلزمهم.أما الصدگ منهم وهمه القلّة فذوله محترمين نفسهم وما يتدافعون ويه غيرهم حتى يصرحون، فلا تخافون منهم.ويگول بناء الدولة ما يحتاج مستشارين أكثر من عدد الوزراءوالدرجات الخاصة، يحتاج چم مستشار كون عالم بمجاله، يضيف شي لحكومة الدولة، مو يصير عبئ عليها، والله يكون في عون كل الحالمين.