يا أخي ليش من تنحمق تروح على طول تصرّحْ؟ثم انت لمن ما متأكد من نفسك ومن الشي الي دا يصير، وماتعرف عنه شي ليش تصرح؟وافرض انت ما تگدر تلزم نفسك الا تصرح.ليش تصريحك تكرزلْ؟وليش تروح على أمور انت ما تگدر تسويها؟الزم نفسك اشوية اصبر اشويّة، لا تصدگ گبل بالي تسمعه وتشوفه، ولا تأخذ بحچي الي داير ما دايرك، لأن همه بسيريدون يحچون وحچيهم على گد عقولهم، وبالي دا يصير حرام اذا يدرون.ولمن يصير الي ما تعتقده يصير، ويجي الهوا عكس ما تشتهي وتريد، حاول تدرس الموضوع زين وتوزنه بعقلك كلش زين،
وتبرر ليش چنت تشمر بعيد بتصريحك، وتعترف بروح رياضية،مو تِخنِسْ.لأن الي يخنس أو يكرص يعكس حالة حيرة وضعف، وهاي تسوي احباط عند جماعته بوكت صعب، وتقلل المعنويات.جبناها على ما جرى بسوريا وصار واشلون چانوا قسم من كبار السياسة والمليشيا يهوبزون، وتاليها سحبوا جماعتهم بالليل، وماقاتلوا عن المقدسات الي راحوا يقاتلون عنها حسب ما يگولون.وخلوا كل أهل العراق من الشمال للجنوب حايرين، يسئلون ليش واشلون ومحد منهم ينطي جواب!