سالم ما أدري شنو الي اجه بباله وتذكر موافقة البرلمان السريعةوالمفاجئة على قانون الأحزاب سنة ٢٠١٥، وگال:تتذكرون اشلون وافقوا البرلمانيين، ولأول مرة على قانون مهمومن غير مناگر، بحيث طلعوا القانون الي چان مضموم بالمجارير مال البرلمان حوالي عشر اسنين، ونسوا گولهم گبلمن كانوا يداعوهم بمناقشة القانون "هسه مو وكته".
عباس حچه عن نفسه وعن الگاعدين يمه وگال:إي نتذكر كلش زين.ونتذكر وقبل إقرار القانون لمن الأحزاب كلها كانت تريد القانون فصال على الگدر، وهو هذا الى أخر المناقشة، وإقرار القانون سنين.ونتذكر المظاهرات الي صارت بذيچ الأيام وهي الي حمت الحديدة، وصرگعت الأحزاب وخلتها تركض حتى تشرع القانون.رد سالم وگبل ما يكمل عباس كلامه، وگله:رحم الله إمك وأبوك هو التصرگع بيت القصيد، شفتوا اشلون وگفوا الشباب ركبة ونص بباب البرلمان وصرگعوا الأعضاءكلهم، وبعد هاي الصرگعة راحوا يركضون بكل حيلهم، حتىيطلعون القانون الي كان مضموم كل هاي السنين، ويصوتون عليه بجلسه وحده.صفن اشوية وكمل: تره يا جماعة كل بين فترة وفترة ينرادلنه فدصرگعة إزغيره تدفع أعضاء البرلمان حتى يشرعون شكوا قوانين مهمة، ويتوقفون يمشون بروسنه قوانين خلافية بحجةالأغلبية.