لمن أستاذ جامعي بالبصرة يقتل أستاذة جامعية وياه بالجامعة نفسها، لازم تنگلب الدنيا، لأن المفروض:عقل الأستاذ ونتيجة للدراسة والتعامل والعلاقات مكيّف، أومتشكل بطريقة بيها نسبة الالتزام بالقوانين عالية.ونسبة فهم الخطر، وإدراك التبعات من ارتكاب الخطأ بعقله أيضاً عالية، بسبب درجة الذكاء الى ساعدته للوصول الى مستوى الأستاذيّة.ومساحة الفتونة والشيطنة والحيونة بخلايا عقله قليلة نتيجةالاختلاط، والتعامل مع الطلاب، والعلاقات العامة، والمركز الاجتماعي المرموق.وإذا كلهن ذني ما شفعن، وراح نفذ جريمته الي مخطط إلها منمدة، معناتها هذا الأستاذ الله يچرم:دمج ومختل.وإذا هو أخو مرت السيد المحافظ، وارتكب جريمته بديره يحكمهانسيبه السيد المحافظ يعني هو:متعمد ومستگوي ومستهتر، ويعني:أكو غلط بطريقة إدارة مجتمع المحافظة.وغلط بالأيديولوجية الي تدير بيها الأحزاب المنتخبة للمحافظةوالدولة، تخلي الواحد من عدنا وغصبًا ما عليه يگول:يا جماعة تره إحنه نعيش بمجتمع مختل. يحتاج من الكبار حتماان يعيدون النظر بكلشي.